هل انت شخص مش
منظم ومش بتعرف تحافظ على الترتيب والنظام؟
هل عالمكتب
عندك أو في اوضتك حاجات واخدة مساحة
عالفاضي لا منك بترتبهم ولا منك بتستخدمهم؟
هل بتحط حاجة
مكان وبعدين تقابل صعوبة انك تلاقيها وتفضل تدور عليها كتير؟
هل انت محتفظ
بمئات المواقع والمنشورات واللينكات عشان تشوفها بعدين لكن عمر بعدين دا ما بييجي
أبدا؟
لازم تعرف ان
محدش بيتولد بمهارات تنظيمية بالفطرة!
دي حاجة الناس
بتتعلمها من خبرات الحياة
انت لو مش
متعلمها عادي جدا تتعلمها
تخيل عندنا
شخصين، واحد منهم منظم والتاني لأ
عارف إن أول
وأهم فرق بين الاتنين هو الإدراك؟
الشخص الأول
مدرك وفاهم أهمية النظام في حياته
والشخص التاني
مش مدرك دا
طيب الحل ايه؟
(1)
الفوضى والرغبة
بص انت طول ما
حياتك فيها فوضى أكتر كل ما هيكون إبداعك ونشاطك الذهني أقل وأضعف
محدش بيعرف
يفكر بعمق وسط الزحمة
لازم تبتدي
تبعد نفسك عن الفوضى اللي في حياتك وتكون رغبتك حقيقية نابعة من جواك فعلا
لو انت قدامك
اوضة مكركبة وعايز تعملها ديكور جديد أكيد هتبدأ برتيبها الأول والتخلص من الحاجات
اللي ملهاش لزمة وعاملة زحمة عالفاضي
(2)
التبسيط والتعقيد
الشخص الغير منظم بيكون معقد، عكس المنظم اللي بيحب يبنظم الأمور ويبدأ
بدايات بسيطة، يعني لما تبدأ تنظم حاجة متحطش تعقيدات عشان هتجيب تعقيدات اكتر
لانك هتستنى وتقعد تفكر وتفكر، وتخلي المطالب اللي انت عايزها تكتر وتكتر،
والتعقيدات هتستمر وهكذا، لكن انت لو عرفت تتغلب على التعقيدات دي والبحث عن الكمال
في البدايات هتقدر تساعد نفسك،
يعني لو قدامك كوم كبير من الحاجات على مكتبك، وانت عايز تنظمه وحاسس انه
هياخد وقت كبير ومش عارف تعمل ايه ، بدل ما تفضل تحسب وتفكر ممكن تبدأ بحاجة بسيطة، انك تحط مثلا الحاجات
المتشابهة جنب بعضها، الكتب جنب بعضها والاقلام وهكذا، وشوية شوية هتلاقي ان الموضوع
اللي كان معقد طلع بسيط وبقى تحت سيطرتك
لما تحس ان السيطرة دي إنجاز انت عملته هتتشجع اكتر انك تكمل لان مزاجك بقى أفضل
(3)
الحالة المزاجية
أخينا الغير منظم مقتنع ان لازم تكون حالته المزاجية تمام عشان يبتدي
ينظم وقته، أما الشخص المنظم عارف ان ممكن
الوقت المناسب ميجيش ابدا ، بل إنه بيستغل التنظيم نفسه كعلاج لتحسين الحالة
المزاجية، لانه طول ما بينظم وقته وشغله بيحس بالإنجاز، وزي ما قلنا الإحساس بالانجاز بيدي دافع لان حالته تبقى أحسن، مش يستنى زي
أخينا أما حالته تتحسن الأول
نصيحة: لما تلاقي نفسك كسلان اعمل الحاجتين دول
1- قول لنفسك هو
انا لو بدأت تنظيم شغلي دلوقتي هيكون أسهل ولا لسة هستنى بعيدين؟ الإجابة الطبيعية
هي دلوقتي مش بعدين، لانك لو أجلت الموضوع فيه حاجات جديدة هتتراكم على اللي انت أصلا
مكسل تعمله دلوقتي، وبالتالي تنظيمها هيكون أصعب بعدين، لو كل مرة سألت نفسك
السؤال دا، ممكن كتير تتشجع انك تبدأ دلوقتي.
2-
لما تلاقي نفسك كسلان، قول لنفسك انا هقوم اعمل حملة تنظيم لمدة دقيقة واحدة - 60
ثانية بس - مش أكتر، هتسيب أي حاجة في ايدك وتقوم تعمل حملة التظيم دي لمدة دقيقة،
وفي المدة القصيرة دي هتلاقي نفسك نظمت حاجتين أو تلاتة وهتستغرب من سهولة الموضوع
، ممكن كمان تحس بالإنجاز من اللي عملته
ودا هيساعدك تكمل
(4)
ابدأ بالصعب
لو مثلا قدامك النهاردة انك لازم ترتب اوضتك وتجيب حاجة من برة وتعمل واجب ما
وانت بتكره عمل الواجب اكتر، ابدأ بعمل الواجب لانك لوسيبته للاخر بعد ما عملت كام
حاجة هتلاقي نفسك تعبان شوية ومزاجك وحش
فالموضوع هيتعقد لان الواجب صعب وانت كمان بقيت مش في المود. انما لو
انتهيت منه الأول هتحس بهم اتشال من على قلبك ويديك دفعة وحماس تكمل الباقي.
متنساش تعمل قايمة بكل الأهداف اللي انت عايز تعملها وتحدد حجمها وهتخلصها
في اد ايه عشان تحمي نفسك من الفوضى والكسل.
القايمة اللي هتعملها متكونش اقل من 3 بنود ومش أكتر من 9 - لو أقل من كدة
فمش مستاهلة قايمة - ولو أكتر فانت هتحس ان الموضوع كبير جدا عشان كدة خير الأمور الوسط،
وبمجرد ما تبدأ في تنفيذ بنود القايمة لازم تخلص بند بند وتنتهي منه تماما قبل ما
تنقل عالتاني،
(5) التخلص من غير المهم
الشخص غير المنظم خواف
بيخاف يرمي الحاجات اللي مش هيستخدمها، انما المنظم عنده شجاعة الحذف
والتخلص من الحاجات اللي مش عايزها
متسمحش للحاجات تتراكم
التراكم خطر
رتبها على حسب أهميتها وسيب بس
الحاجات المهمة اللي بتستخدمها يوميا قدامك
الحاجات اللي مش بتستخدمها يوميا حطها في الادراج
خلي هدفك انك توفر لنفسك مكان واسع بقدر الإمكان خلي الدنيا منظمة حواليك
دايما
لو مكتبك عليه حاجات كتيرة ومش منظمة، أي حاجة جديدة هتجيبها تلقائيا هتحطها
عليها لغاية ما تفرج وتبقى تشيلها امتة
الله اعلم
لكن هو لو فاضي مش هتحس انه طبيعي انك تعمل كدا
طيب النوع التالت من الحاجات
اللي هي لا مهمة ولا هتحتاجها دلوقتي ولا بعدين
اتخلص منها
على فكرة انت لو بصيت على الحاجات اللي حواليك هتلاقي منهم حاحات كتيرة من
النوع دا
وسط ورقك هتلاقي اوارق واعلانات انت عمرك ما هتستخدمها
بدل ما تضيع وقت على تنظيمها كل مرة
اتخلص منها
(6)
نظم البيئة اللي حواليك
الشخص الغير منظم فاكر انه الأولوية الأولى ليه هي تنظيم حياته فقط او شغله
او دراسته لكن مكانه وبيته مش مهمين اوي
عكس الشخص المنظم
الأولوية الأولى للتنظيم عنده تنظيم المكان بتاعه
هو عارف ان تنظيم أي حاجة في حياته بيبدأ بالمكان بتاعه والبيئة المحيطة
بيه
فكل يوم بالليل مثلا قبل ما يسيب مكتبه بيرتبه
وافضل واسهل ليه من انه يستنى تاني يوم ييجي يرتبه
لانه لما ييجي تاني يوم يلاقي مكانه مرتب هيبقى كدا أدى لنفسه حافز وطاقة
ومزيد من الحيوية والثقة والدعم النفسي
عشان كدة متتعودش تسيب اكوام كبيرة مش مرتبة على مكتبك قبل ما تمشي
اول ما ترجع البيت حط حاجاتك في مكانها المخصص في لحظة دخولك على طول
لو معلمتش كدة وقلت بعيدين واستنيت تاني يوم
هتلاقي ان تاني يوم وراك مهام أكتر وتحس بالإحباط ومش هتعمل حاجة
خصص يوم على حسب ظروفك سميه يوم التنظيم الشامل
مثلا يوم الجمعة بالليل
تراجع فيه وتكمل الحاجات اللي
ناقصة
لان لما يبقى عندك نظام ثابت هتمنع
نفسك من التراكم والكسل.
